Во САД прислушувани разговори меѓу сенаторот Сешнс и рускиот амбасадор

Поранешниот менаџер на изборната кампања Доналд Трамп Кoри Левандовски изјави дека администрацијата на Обама ги прислушувала разговорите меѓу сегашниот државен обвинител на САД Џефри Сешнс со амбасадорот на РФ во Вашингтон Сергеј Кисљак.

Ова Левандовски го тврди во интервјуто за телевизијата „Фокс Њуз“.

„Она, што можеме да кажеме за претходната администрација, е тоа што тие ги прислушуваа разговорите меѓу сенаторот Џеф Сешнс и амбасадорот на РФ, кога тој се наоѓаше во Сенатот на САД“, изјави Левандовски. „Ако такво нешто се случило, а веројатно се случило, тогаш уште кои разговори тие ги прислушуваат?“, додаде Левандовски.

Покрај тоа, тој изрази загриженост дека администрацијата на поранешниот американски претседател можела да прислушува разговори кои се воделе во њујоршкиот облакодер „Трамп Тауер“.

Претходно беше објавено дека Сешнс не ги информирал своите колеги за разговорот со рускиот амбасадор Кисљак за време на рочиштата за неговото одобрување на функцијата државен обвинител. Во врска со тоа, претставниците на Демократската партија во Конгресот побараа тој да биде отстранет од учество во истрагата за наводните врски на тимот на Трамп со руски официјални лица, а исто така побараа од него да се даде оставка на функцијата. Како одговор на тоа Сешнс соопшти дека повеќе нема да учествува во истрагата во врска со изборите, пренесува ТАСС.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња