Меркел: Односите со Русија не се стабилизирани

Меѓународната заедница по завршувањето на студената војна не успеа да воспостави добри односи со Москва, изјави канцеларката на Германија Ангела Меркел на Минхенската конференција за безбедност.

„Последниве 25 години не успеавме да воспоставиме стабилни односи со Русија, но сега Русија е наш сосед, тоа е надворешната граница за ЕУ“, констатира Меркел.

Притоа таа изјави дека Западот и Русија имаат заеднички интереси во борбата против тероризмот и Германија е заинтересирана за воспоставување добри односи со Москва и покрај разногласијата.

Таа исто така ја потврди и намерата и понатаму да се придржува до актот Русија-НАТО.

Во исто време, канцеларката изрази загриженост поради поддршката на Русија за бунтовниците во Донбас. Таа исто така истакна дека „Минската спогодба“ треба да остане основа за решението за Донбас, пренесува „Взгљад“.

При користење на материјалите на Russia Beyond задолжителен е хиперлинк до изворот од кој е преземен материјалот.