Шефот на Пентагон се залага за преговори со Русија од позиција на сила

Дипломатите на НАТО треба да водат преговори со Русија од позиција на сила, изјави министерот за одбрана на САД Џејмс Матис.

Преговорите со Русија е потребно да се водат од позиција на сила. Ова, како што соопштува Си-Ен-Ен, го изјави во средата шефот на Пентагон Џејмс Матис на средбата со министрите за одбрана на земјите-членки на НАТО.

„Ние сме, како и претходно, отворени за можноста да се обнови соработката со Москва, но во исто време сме реалистични во своите очекувања и препораките до нашите дипломати се да водат преговори од позиција на сила“, изјави Матис.

Како што истакна шефот на Пентагон, без оглед на обидите за соработка со Москва, НАТО треба да биде подготвено да се заштити себеси во случај „Русија да избере да дејствува спротивно на меѓународното право“.

Во исто време, Матис додаде дека „слично на најмрачните денови од студената војна, САД сѐ уште се подготвени да ги држат отворени каналите за политичка соработка и деескалација на напрегнатоста“, пренесува „Лента.ру“.

При користење на материјалите на Russia Beyond задолжителен е хиперлинк до изворот од кој е преземен материјалот.