Американски медиуми: Во Сирија испорачани 50 руски ракети „Точка У“

Телевизијата „Фокс Њуз“ тврди дека од Русија во Сирија се наводно доставени две пратки ракети „Точка-У“.

Каналот тврди дека во Сирија се испорачани 50 ракети, од кои две се веќе искористени, пренесува „Взгљад“.

Телевизијата „Фокс Њуз“ соопштува дека пратката пристигнала во пристаништето Тартус. Покрај две ракети „Точка-У“ (во статијата на американската телевизија се наведува класификацијата на НАТО SS-21 Scarab B, „Скарабеј“), употребени се и четири ракети „Искандер“, тврди „Фокс Њуз“.

Според информациите на телевизијата, нападите се извршени во Идлиб. „Фокс Њуз“ не поминува без традиционалните обвинувања на адреса на Русија дека не биле бомбардирани терористите, туку „опозицијата“. Меѓутоа, телевизијата не знае дали САД поддржуваат некоја од терористичките групи.

При користење на материјалите на Russia Beyond задолжителен е хиперлинк до изворот од кој е преземен материјалот.