Могерини: ЕУ подготвена за соработка со Русија околу Либија

ЕУ е подготвена да соработува со Русија на политичко решение во Либија, изјави шефицата на европската дипломатија Федерика Могерини.

„Ако успееме да работиме во тој правец со Русите, тоа ќе биде само позитивен момент“, изјави Могерини, пренесува RT.

Покрај тоа, таа соопшти дека следната недела планира да се состане со министерот за надворешни работи на Русија Сергеј Лавров и да дискутира за голем број прашања, вклучувајќи ја и Либија.

Претходно заменик-премиерот на Либија Ахмед Мајтиг изјави дека владата на национално единство е подготвена да ја поддржи секоја дипломатска инцијатива на Русија за воспоставување политички дијалог во земјата.

При користење на материјалите на Russia Beyond задолжителен е хиперлинк до изворот од кој е преземен материјалот.