На Русите за Водици им нудат православен смартфон за 23,5 илјади евра

Нов православен телефон се појави на рускиот пазар.

Компанијата „Гресо“ (Gresso), специјализирана за производство на луксузни телефони, претстави колекција на гаџети посветени на Руската православна црква, изјави претставникот на прес-службата на брендот за „Лента.ру“.

Новата линија телефони е по повод празникот Водици. Телото на смартфоните е покриен со суво злато. На задната страна на гаџетот е изгравиран христијански крст и натпис „Спаси и чувај“.  Цената на смартфонот со златни копчиња изнесува околу 5900 евра, а со дијамантски – 23,5 илјади евра.  

„Гресо“ е производител на телефони и додатоци од луксузна класа. Компанијата е основана во 2004 година.

Во ноември 2016 година марката најави излегување на специјална колекција телефони за пратениците на Државната дума. Карактеристика на серијата е инсталираниот телефонски именик со броевите на партиите, комитетите, и управите на долниот дом на парламентот, телефонските броеви на секој од 450 пратеници, како и телефоните на членовите на Советот на Федерацијата и другите државни институции.

При користење на материјалите на Russia Beyond задолжителен е хиперлинк до изворот од кој е преземен материјалот.