Кремљ согласен со Трамп во оценката за НАТО

Кремљ се согласува со Трамп дека НАТО е застарена организација.

Москва го поддржува новоизбраниот претседател на САД Доналд Трамп во оценката за НАТО како застарена организација, изјави портпаролот на претседателот на Русија Дмитриј Песков, пренесува „Лента.ру“.

„Тоа е анахронизам, и ние се согласуваме со тоа. Тоа е организација чија системска цел е конфронтација“, изјави портпаролот на Кремљ.

Тој се сомнева дека НАТО претставува современа структура која „одговара на идеите за стабилност и безбедност“.

Претходно Трамп во интервју за весниците „Тајмс“ и „Билт“ наведе два проблема на НАТО. Прво, организацијата е застарена, а второ, нејзините земји-членки „повеќе не го плаќаат она што треба да го платат“, изјави републиканецот.

При користење на материјалите на Russia Beyond задолжителен е хиперлинк до изворот од кој е преземен материјалот.