Шувалов: Санкциите и контрасанкциите наскоро можат да бидат укинати
„Изгледа дојде време да се сфати дека санкциите или контрасанкциите наскоро ќе престанат да важат. Како и да е, во мојата работа, јас и министерот за земјоделство, министерот за економија, најверојатно, ќе мораме да поаѓаме од фактот дека контрасанкциите ќе бидат укинати. Дури и ако не се случи тоа, тоа ќе биде уште една задача за нас“, изјави Шувалов, говорејќи на дискусијата на „Гајдаровскиот форум“ посветен на конкуренцијата, пренесува РИА „Новости“.
Вицепремиерот призна дека пазарот на прехранбени производи порано или подоцна ќе мора да се отвори.
„Како ќе се развива политичката агенда, ќе видиме, сега ќе дојде новата администрација на САД, како сето тоа ќе се развива во нивниот дијалог – САД и ЕУ, како ќе разговараат со нас. Вие ја знаете позицијата на нашиот претседател: подготвени сме секогаш за тој дијалог толку колку што за тоа се подготвени нашите партнери“, додаде првиот вицепремиер.
Контрасанкциите ја променија ситуацијата на рускиот пазар, констатира Шувалов. Во продажбата на мало влегоа производи на регионалните производители, кои не би успеале да се пробијат на пазарот во поинаква ситуација. Навиката на домашните добавувачи да живеат во услови создадени од рестрикции може да резултира со лоши последици, смета тој.
„Потребен ни е здрав елемент на конкуренција за да тие (руските добавувачи) бидат посилни“, - рече заменик-премиерот.
При користење на материјалите на Russia Beyond задолжителен е хиперлинк до изворот од кој е преземен материјалот.