„Гаспром“ на 1 јануари со рекордна испорака на гас преку „Северен тек“

„Гаспром“ испорача преку 160 милиони кубни метри гас во Европа на 1 јануари.

Руската компанија за гас „Гаспром“ испорача на 1 јануари преку „Северен тек“ рекорден обем од 160,75 милиони кубни метри гас, се вели во соопштението на „Гаспром“ што го пренесува „Лента.ру“.

„На први јануари 2017 година „Гаспром“ испорача преку „Северен тек“ рекорден обем на гас – 160,750 милиони кубни метри дневно. Во годишна пресметка тоа е повеќе од проектираниот обем на гасоводот“, се вели соопштението.

„Сегашното ниво на оптоварување на „Северен тек“ покажува дека северниот коридор за испорака на руски гас е крајно побаруван на европскиот пазар. И уште еднаш се потврдува важноста и актуелноста на изградбата на „Северен тек 2“, ги цитира компанијата зборовите на претседателот на управата на „Гаспром“ Алексеј Милер .

При користење на материјалите на Russia Beyond задолжителен е хиперлинк до изворот од кој е преземен материјалот.