Амбасадата на Русија гранатирана во Дамаск

Министерството за надворешни работи повикува на осуда на гранатирањето на дипломатската мисија во Дамаск.

Амбасадата на Русија во сириски Дамаск беше гранатирана, соопшти Министерството за надворешни работи на РФ на својот сајт.

„Една граната, која поради среќна околност не експлодираше, падна во внатрешниот двор на комплексот на административните згради на руската дипломатска мисија. Втората – во непосредна близина на нејзината територија. Во деминирањето на неексплодираната муниција се вклучени деминери“, прецизира МНР РФ, пренесува „Газета.ру“.

Министерството истакнува дека гранатирањето на амбасадата во Дамаск претставува „провокација на екстремистите кои се залагаат против мирно решение во Сирија“.

Покрај тоа, министерството ги повикува сите „кои реално се спротивставуваат на предизвиците и заканите од тероризам“ категорично да ги осудат нападите врз дипломатската мисија во Сирија.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња