Дешифрирани последните зборови на пилотите на Ту-154

Експертите ја дешифрираа црната кутија на урнатиот Ту-154 на Министерството за одбрана на РФ.

Авијациските експерти ја проучија состојбата на црната кутија на авионот Ту-154 на Министерството за одбрана на РФ, а исто така успеаја без проблем да ја дешифрираат зачуваната снимка. Ова за „Лајф“ го изјави извор близок до истрагата. Според него, лентата која ги снимала разговорите меѓу екипажот и разговорите во пилотската кабина, не била оштетена.

„Разговорот престанува кога едниот од пилотите извикува: „Клапите, да ти се плукнам!“ А потоа се слуша крик: „Командиру, паѓаме!“, раскажа изворот.

Извор во оперативниот штаб на местото на несреќата ја потврди оваа верзија. „Според првичните податоци, на авионот нерамномерно се активирале клапите, поради нивното некревање силата на подигање била загубена, брзината не била доволна за да се постигне висина и авионот паднал“, изјави тој, пренесува „Лента.ру“.

 

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња