„Гнасен терористички чин“: реакцијата на светот по атентатот врз Карлов

Од светот пристигаат реакции по денешното убиство на амбасадорот на РФ во Турција Андреј Карлов.

Европската унија преку шефицата на европската дипломатија Федерика Могерини го осуди убиството на рускиот амбасадор Андреј Карлов во Турција, изјави портпаролот на МНР РФ Марија Захарова, пренесув ТАСС.

„Почнуваме да добиваме сочувство до Русија во врска со убиството на рускиот амбасадор во Турција. Едно од првите сочувства дојде од ЕУ, претставена од страна на Федерика Могерини, која изрази од страна на земјите кои влегуваат во овој сојуз, сочувство до руската страна и крајна аверзија спрема она што се случи со зборови на осуда“.

„Овие сочувства штотуку почнуваат да пристигаат, но ги има навистина многу“, додаде Захарова.

ООН го осудија атентатот врз рускиот амбасадор во Турција Андреј Карлов и сметаат дека овој напад не може да има оправдување, изјави портпаролот на генералниот секретар на светската организација Стефан Дјужарик.

„Ние го осудуваме вооружениот напад врз рускиот амбасадор во Турција. Нападот врз дипломат или амбасадор нема оправдување“, изјави тој. Според него, ООН се надеваат дека одговорните за атентатот ќе бидат изведени пред лицето на правдата.

Стејт департментот го осуди нападот врз рускиот амбасадор во Анкара. Ваква изјава даде во понеделникот портпаролот на Стејт департментот на САД Џон Кирби.

„Ние го осудуваме овој чин на насилство, независно од каде и да доаѓа“, го цитира Кирби прес-службата на Стејт департментот. „Со мислите и молитвите сме со него и неговите најблиски“, додаде тој, коментирајќи ја информацијата за атентатот врз рускиот дипломат.

Постојаната мисија на Руската Федерација при ОБСЕ го нарече атентатот врз рускиот амбасадор во Турција „гнасен терористички чин“. „Најостро го осудуваме гнасниот терористички чин врз амбасадорот на Руската Федерација во Турција“, се вели во соопштението на официјалната веб страница на руската дипломатска мисија на ОБСЕ на „Твитер“.

 

 


 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња