Русија ќе даде нов предлог за ситуацијата во Алепо во СБ ООН

Русија ќе истапи во Советот за безбедност на ООН со нов предлог за ситуацијата во сириски Алепо, изјави за новинарите постојаниот претставник на РФ во ООН Виталиј Чуркин.

„Имаме многу едноставни идеи, и ако тие ги поддржат тие едноставни идеи, ќе можеме да усвоиме денеска соодветна резолуција“, изјави Чуркин за новинарите, пренесува РИА „Новости“.

Според него, Русија е подготвена да предложи конкретни идеи и, доколку го нема прашањето на суета, уште денес можат да се појават добри предлози одобрени од Советот за безбедност.

Претходно Чуркин изјави дека РФ не може да ја поддржи француската предлог-резолуција за распоредување набљудувачи на ООН во Алепо, затоа што тој предлог не може да се реализира и е опасен.

Советот за безбедност на ООН во неделата одржува вонредна седница за француската предлог-резолуција за мониторинг на евакуацијата во сириски Алепо, по што документот ќе биде ставен на гласање.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња