Рај“ на Андреј Кончаловски номиниран за „Оскар“

Филмот на рускиот режисер Андреј Кончаковски „Рај“ влезе во потесниот список со кандидати за наградата „Оскар“ во категоријата „Најдобар филм од неанглиско говорно подрачје“.

„Рај“ е филм за Втората светска војна и холокаустот. Се раскажува за луѓе чии судбини се испреплетуваат во Втората светска војна: онаа на руската емигрантка Олга, учесничка во движењето на францускиот „Отпор“, Французинот-колаборационист Жил и офицерот на СС Хелмут. Филмот првпат беше прикажан во септември 2016 година на Венецискиот филмски фестивал. Кончаловски тогаш доби „Сребрен лав“ за режија.

Познатиот филмски критичар и писател Антон Долин смета дека рускиот филм има шанси, иако конкуренцијата е силна: „Не ги гледав сите филмови од објавениот список, сепак, точно можам да кажам за еден силен и достоен конкурент. Тоа е потценетиот во Кан и неодамнешниот добитник на „европскиот Оскар“, филмот „Тони Ердман“ на Марен Аде“.

Долин истакнува дека Кончаловски е добро познат во Америка (тој има снимено неколку филмови во Холивуд), а филмовите за Втората светска војна и холокаустот се секогаш добро примени од членовите на академијата на оскаровскиот комитет.

„Последниот пат кога филмови за војната добија награди за најдобар филм на странски јазик – тоа беа „Ида“ и „Синот на Саул“. Зошто и третпат да не се истакне филм со слична тематика?!“, изјави критичарот за „Руска реч на македонски“.

 

 

 

Сите права ги задржува „Росијскаја Газета“.

Овој веб-сајт користи колачиња. Кликнете овде за да дознаете повеќе.

Прифати колачиња