Обама вети одговор на „мешањето“ на Русија во изборите во САД

Претседателот на САД Барак Обама изјави дека Вашингтон ќе преземе мерки против Русија во врска со „вмешаноста“ во изборниот процес во САД.

„Сметаме дека несомнено треба да преземеме мерки кога владата на која било земја се обидува да влијае на објективноста на нашите избори, и ќе преземеме мерки“, изјави Обама во интервју за радиото Ен-Пе-Ер.

Според него, САД ќе одговорат „во време и на место кое тие ќе го изберат“.

„Нешто од тоа може да се објави во јавноста, нешто – не. Господинот Путин е добро информиран за моите чувства по тој повод, затоа што директно разговарав со него за тоа“, потенцираше Обама, пренесува РИА „Новости“.

Сите права ги задржува „Росијскаја Газета“.