Путин и Абе: прв договор за Курилските острови

Претседателот на Русија Владимир Путин и јапонскиот премиер Шинзо Абе договорија почеток на консултациите за заеднички економски активности на Јужните Курили, соопшти помошникот на шефот на руската држава Јуриј Ушаков.

„Станува збор за тоа дека претседателите им наложуваат на експертите од двете земји да почнат консултации за договарање на условите и сферите за заедничка стопанска дејност“, изјави Ушаков, пренесува „Взгљад“.

Тој објасни дека станува збор за сите острови на Јужните Курили. „Можам да набројам некои сфери: риболов, туризам, култура, медицина“, додаде тој.

Според него, заедничката стопанска дејност меѓу двете земји на Курилските острови ќе се врши исклучиво во согласност со руското законодавство.  

Во четвртокот Путин пристигна во Јапонија на преговори во четири очи за мировниот договор со премиерот на Јапонија Шинзо Абе.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња