Објавена фотографија од првиот МиГ-35 за Военото воздухопловство на Русија

На интернет се појави првата фотографија од повеќенаменскиот ловец МиГ-35, направен по нарачка на Министерството за одбрана на Русија.

Фотографијата е објавена на сајтот russianplanes.ru. Авионот е со ознака 702. Според информациите во коментарите на фотографијата на сајтот, првиот лет леталото го реализирало околу 20 ноември, пишува „Взгљад“.

МиГ-35 е мултифункционален ловец од генерацијата 4++, кој претставува унапреден развој на борбените авиони МиГ-29К/КУБ и МиГ-29М/М2 во насока на зголемување на борбената ефикасност и универзалност, како и на подобрување на работните карактеристики.

Според генералниот конструктор, потпретседател за иновации на „Обединетата корпорација за изградба на авиони“ Сергеј Коротков, тестирањата на летачките карактеристики на ловците МиГ-35 почнале на крајот на ова лето и ќе траат до 2017 година.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња