Анкета: Мнозинството Руси сакаат развој на односите со Западот

Поголемиот дел од руските граѓани (71%) се залага за проширување на економските, политичките и културните врски и зближување со западните земји - оваа бројка значително се зголеми во однос на јули 2015 година (50%), соопштија за „Интерфакс“ од „Левада-центарот“.

Во исто време има сѐ помалку од оние кои се искажуваат за прекин на врските, односите, оддалечување од Западот (17% сега и 37% во јули 2015 година), покажува анкетата спроведена од 18-21 ноември меѓу 1.600 луѓе во 137 населени места од 48 региони на РФ.

Пријателите и непријателите на Русите

Според 70% од испитаниците, во решавањето на меѓународните проблеми Русија сега игра важна улога, на пример, 13% сметаат дека улогата на земјата во овие прашања е решавачка. Спротивно мислење делат 27% од испитаниците.

Одговарајќи на прашањето на социолозите, секој втор испитаник (52%) изјавил дека западните земји-членки на НАТО немаат причина да се плашат од Русија, додека 37% сметаат дека такви причини има (неопределени се 10%).

Во исто време РФ, според 57% од испитаниците, има причина да се плаши од земјите-членки на НАТО (31% не мислат така, 12% се неопределени).

Покрај тоа, според истражувањето, мислењето на Западот за Русија е важно за 44% од Русите, за 51% е неважно.

Сите права ги задржува „Росијскаја Газета“.