Првиот Русин ќе може да слета на Месечината во 2031 година

Првите летови на руски вселенски бродови кон Месечината се планираат за 2025 година.

Првиот руски вселенски брод со екипаж може да слета на Месечината во 2031 година, изјави за новинарите директорот на Ракетно-космичката корпорација „Енергија“ Владимир Солнцев.

Плановите за освојување на Месечината Солнцев ги изложи во презентацијата во текот на конференцијата „Проблемите и перспективите на економскиот развој и подготовката на кадри за високотехнолошките индустриски гранки. РУДН и вселената: 55 години заедно“.

Првите летови на руски вселенски бродови кон Месечината се планираат за 2025 година. Во 2026 на Месечината може да се испрати беспилотен вселенски брод кој ќе изврши лет околу сателитот на Земјата, а за 2027 година е планирано испраќање на модул.

Како што објасни првиот човек на РКК „Енергија“, на тој начин ќе биде можно „да се стекне навика“ на Месечината и да се обезбеди во 2031 да се испратат првите космонаути, пренесува РИА „Новости“.

 

Сите права ги задржува „Росијскаја Газета“.