Берлускони: Трамп го сфати фундаменталното за односите со Русија

„Трамп сфати нешто фундаментално: Руската Федерација треба да се смета за полноправно западна земја. Може да има несогласувања по одредени прашања, но тие мора да се решаваат во духот на соработката и пријателството“, изјави Берлускони во интервју за „Кориере дела Сера“.

Според него, Русија е потребна за заедничко решавање на проблемите на меѓународната сцена: од бранот исламски екстремизам до имиграцијата.

„Претседателот Путин досега ја демонстрираше својата способност да се справува со вонредните ситуации на нашето време порано и подобро од другите меѓународни лидери“, истакна тој.

Како реагираше Русија на изборот на Трамп

Одговарајќи на прашањето зошто во САД на изборите победи Трамп, а Хилари Клинтон изгуби, Берлускони изјави дека Клинтон „плати“ за осумте години претседателствување на Барак Обама.

„Обама направи многу грешки, особено во надворешната политика, почнувајќи од поттикнувањето на тнр. „Арапска пролет“, неефикасното спротивставување на исламскиот фундаментализам и завршувајќи со контрапродуктивната напрегнатост во односите со Русија. Тој ги ослаби позициите на Америка и го направи светот понестабилно и поопасно место“, изјави 80-годишниот политичар.

Претходно унгарскиот премиер Виктор Орбан изјави дека победата на Доналд Трамп на изборите во САД создава можности за намалување на тензиите меѓу Вашингтон и Москва.

Во четвртокот, портпаролот на рускиот претседател Дмитриј Песков, изјави дека концептуалните пристапи на рускиот претседател Владимир Путин кон надворешната политика на Доналд Трамп се феноменално блиски, пишува „Взгљад“.

Сите права ги задржува „Росијскаја Газета“.