Стејт департмент: САД нема да ги укине санкциите до „враќањето“ на Крим

Портпаролот на Стејт департментот Марк Тонер изјави дека резултатите од претседателските избори во САД нема да влијаат на политиката на санкции на САД спрема Русија. Санкциите ќе останат во сила сѐ додека Русија не го врати Крим на Украина и не ја исполни „Минската спогодба“, соопштува Радио Слободна Европа.

САД немаат намера да ги укинат санкциите против руските граѓани и корпорации по „анексијата“на Крим и почетокот од конфликтот во Донбас. Ова го изјави портпаролот на Стејт департментот на САД Марк Тонер, пренесува Радио Слободна Европа.

Според него, санкциите наметнати по присоединувањето на Крим кон Русија, ќе останат во сила сѐ до враќањето на полуостровот во состав на Украина. А санкциите против Русија за нејзината „агресија“ на истокот на Украина „ќе останат во сила сѐ до целосната реализација на „Минската спогодба“.

Според Тонер, санкциите имаат влијание врз руската економија и ѝ дале до знаење на Москва дека нејзините постапки можат да имаат многу негативни последици. Во исто време, портпаролот на Стејт департментот призна дека санкциите не го запреле „префрлувањето на руската војска и оружје на територијата на Украина“. Сепак, мерките преземени против Русија ја поттикнале да бара дипломатски патишта за решавање на конфликтот, смета Тонер.


 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња