Веста за поразот на Клинтон пречекана со аплауз во Думата

Пратениците во Државната Дума на РФ во средата со аплауз ја поздравија веста дека Хилари Клинтон му ја честитала на Доналд Трамп победата на претседателските избори во САД.

Во текот на пленарната седница на Државната Дума за збор се јави претседателот на парламентарниот комитет за образование Вјачеслав Никонов, кој им соопшти на пратениците дека Клинтон му ја честитала победата на својот противник.

„Колеги, пред три минути Хилари Клинтон го призна својот пораз на изборите за претседател на САД, а пред една секунда Трамп почна да држи говор како избран претседател на САД“, изјави Никонов.

Овие зборови беа дочекани со аплаузи од пратениците.

Претходно беше соопштено дека Хилари Клинтон му ја честитала на Доналд Трамп победата на изборите. Таа му се јавила на републиканскиот кандидат телефонски и официјално ги признала својот пораз, пренесува „Интерфакс“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња