Половина од Русите сметаат дека војна со НАТО е реална закана

Повеќе од половина од Русите (52%) ја сметаат за реална заканата од тотална војна меѓу Русија и земјите на НАТО, а не се согласуваат со ова мислење 40% од испитаниците, соопшти Фондацијата „Јавно мислење“.

43% од Русите сметаат дека веројатноста за таква војна е повисока отколку во 70-тите. Двојно помалку има од оние кои велат дека во моментов веројатноста за војна е помала (21%), пренесува „Взгљад“.

6% од Русите претпоставуваат дека веројатноста за војна со НАТО денеска е помала од пред неколку години, а секој четврти (26%) смета дека во овој поглед ништо не е сменето.

65% сметаат дека политиката на Русија во последно време придонесува за намалување на ризикот од голема војна со земјите-членки на НАТО, а 19% се неопределени.

Според испитаниците, руските медиуми кои покриваат меѓународни настани, повеќе претеруваат (19%) отколку што ја  минимизираат (7%) заканата од голема војна меѓу земјите-членки на НАТО и Русија.

78% сметаат дека е неприфатливо Русија прва да примени нуклеарно оружје .

Истражувањето беше спроведено на 29-30 октомври меѓу 1000 испитаници во 480 населени места на Русија.

Рускиот претседател претходно изјави дека „Русија нема намера да напаѓа никого,... тоа е незамисливо просто, глупаво и нереално“. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња