Медиуми: Индија има намера да купи од Русија речиси 500 тенкови Т-90

Министерството за одбрана на Индија го одобри договорот со Русија за испорака на 464 тенкови Т-90МС, објави „Тајмс оф Индија“ повикувајќи се на извори во воениот ресор.

Комисијата за воени набавки при Министерството за одбрана на Индија го одобри договорот за купување 464 тенкови Т-90МС од Русија. Весникот „Тајмс оф Индија“, кој ја пренесува оваа информација, исто така наведува дека индиската страна очекува вредноста на договорот да биде во износ од две милијарди долари.

Како што се нагласува, планирано е во Индија да се врши лиценцирано склопување на борбените возила.

Одобрение од Комисијата за воени набавки е неопходна фаза во јавните набавки и не гарантира склучување на зделка, но овозможува започнување конкретни преговори со потенцијалниот снабдувач.

Претходно, РИА „Новости’ повикувајќи се на претставници на „Уралвагонзавод“’ соопшти дека Делхи е заинтересиран за тенковите Т-90МС. Во вооружувањето на Индија во моментов има руски тенкови Т-72 и Т-90.

Т-90МС е најновата извозна верзија на Т-90. Користи исти видови на муниција како и тенкот Т-90. Меѓутоа, дополнително е вклучен и распрскувачки проектил со далечинска детонација кој обезбедува поефикасна борба против жива непријателска сила, пишува порталот „Взгљад“.  

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња