МО РФ: САД не доставија во Алепо „ниту трошка леб“

Русија достави во Алепо повеќе од 100 тони од најпотребните намирници, додека САД не им предадоа на Сиријците „ниту трошка лев“, изјави портпаролот на руското Министерство за одбрана Игор Конашенков.

Ова беше коментарот на изјавата на портпаролот на Стејт департментот на САД Џон Кирби за тоа дека жителите на Алепо немаат полза од хуманитарните паузи кои ги воведува Русија.

Жителите на Алепо добија од Русија прехранбени производи, лекови, предмети за лична употреба, истакна Конашенков. Стејт департментот за тоа време не им достави на Сиријците, за кои наводно многу се грижи, ниту трошка леб“, изјави тој, пренесува РИА „Новости“.

Според него, таквите изјави на американската администрација покажуваат колку се разликуваат поимите за „ползата“ од хуманитарните паузи во Москва и Вашингтон. За Русија, пред сѐ, тоа е помош за луѓето, потенцираше портпаролот на Министерството за одбрана на РФ.

„Затоа во текот на целата операција во борбата против меѓународниот тероризам во Сирија ние најголемо внимание посветуваме на помирувањето на страните и испорака на хуманитарна помош на Сиријците“, изјави тој.

 

Сите права ги задржува „Росијскаја Газета“.