Во 2017 година Русија ќе добие свој национален рејтинг на универзитети

Во рамките на рангирањето „Трите мисии на универзитетот“ ќе се најдат и руски и странски универзитети.

На 2 ноември претседателот на Рускиот сојуз на ректори, ректор на МГУ „Ломоносов“ Виктор Садовничи најави создавање на Московски меѓународен рејтинг на универзитети „Три мисии на универзитетот."

„Русија е земја со богато минато на поранешниот образовен систем, со традиции. Многу земји учеа од нашиот образовен систем. Ние бевме пример дури и за развиените земји, кои се во водство во моментов на едни или други рејтинзи. Нашиот образовен систем заслужува подлабоко се погледне во него, да се разбере и да се искористи за својот развој“, изјави Садовничи на прес-конференцијата посветена на почетокот на рангирањето.

Рејтингот ќе се врши според 34 показатели кои ќе бидат обединети во пет групи: „Образование“ (40% од уделот во резултатот на универзитетот во рејтингот), „Наука“ (30%), „Интернационализација“, „Одржливост и потенцијал за развој“, „Учење на далечина“ (10%), раскажа Садовничи.

Рејтингот ќе рангира не само руски, туку и странски универзитети, на пример образовните установи на Јапонија, Кина, Бразил, Индија, Иран, Турција и земјите од ЗНД.

Се очекува дека со текот на времето рангирањето ќе се здобие со глобално признание и дека во работата ќе бидат вклучени меѓународни експерти.

Проектот за меѓународно рангирање на универзитетите беше инициран во согласност со барањето на претседателот Владимир Путин. Ова е прв проект за меѓународно рангирање со седиште во Русија.

Основачи на проектот се Рускиот сојуз на ректори и на Руската академија на науките. Оператор е асоцијацијата на изготвувачи на рејтинзи чии основачи се и истражувачкиот центар „Експерт РА“ и ВЦИОМ.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња