Стејт департментот навреден од споредбата на Алепо и Мосул

Портпаролот на Стејт департментот на САД Џон Кирби тврди дека во Мосул коалицијата ги бомбардира терористите избегнувајќи цивилни жртви, а во Алепо Сирија и Русија наводно вршат напади врз цивилни цели и опозицијата, затоа што таму практично нема терористи. Москва ги демантираше сите овие тврдења.

Според него, ситуациите, предизвикани од обидите да се истераат екстремистите од Алепо и Мосул,  се „радикално различни“ една од друга, пренесува „Взгљад“.

„Ги видов коментарите на Министерството за надворешни работи на Русија. Реално, ми се чини, министерот за надворешни работи Лавров (зборуваше) дека тоа (што се случува во Алепо и Мосул) е исто“, изјави Кирби.  

Меѓутоа, тој смета дека „тоа апсолутно не е иста работа, и споредувањето на наведените две (ситуации) е навредливо“.

Истовремено Кирби потврди дека САД не се противат на нападите врз терористичката група „Џебхат Фатех аш Шам“ (Џебхат ан Нусра)  која дејствува во источните делови на Алепо.

„Ан Нусра отсекогаш била (надвор) од прекинот на огнот“ во Сирија, за кој претходно се договорија Русија и САД, изјави американскиот дипломат.

Сепак, истакна тој, САД се противат против руските напади врз источен Алепо. Од гледна точка на Кирби, „нема оправдување за нападите врз цивили, оштетувањето на цивилната инфраструктура“ во борбата против терористичките групи „Џебхат Фатех аш Шам“ и „Исламската држава“.

„Погледнете како работи коалицијата во Ирак (земјите предводени од САД) на грижа и внимание“, со кои се вршат нејзините операции, изјави портпаролот на Стејт департментот.

Како што изјави тој, во Алепо владејачкиот во Сирија „режим организираше опсада со поддршка од својот најголем поддржувач – Русија“, а во Мосул дејствува „цела коалиција од 66 и кусур земји, која со месеци вршеше планирање“.

Кирби премолча и дека во Сирија Русија дејствува на сосема легитимна, за разлика од САД, основа - по покана на легалната влада во Дамаск.

„Да, „Ан Нусра“ е во Алепо, и „ан Нусра“ се противи на режимот... сепак, поголемиот дел од отпорот во Алепо доаѓа од умерените опозициски групи и цивили. Тие стануваат жртви на нападите на Русија и режимот. А во Мосул ние се занимаваме до ИДИЛ која го зазеде градот пред две години“, смета портпаролот на американскиот Стејт департмент.

Притоа тој ги обвини Русија и сириските власти дека тие намерно нанесуваат удари врз „цивили, вработени во службите за спасување и инфраструктурата, болници“. Во Мосул поддршката од воздух е наводно „многу прецизна“ и селективна, „не се прават координирани напори за уништување на цивилната инфраструктура“.

САД и нивните партнери, според Кирби, се обидуваат во Мосул „да зачуваат колку што е можно повеќе“ цивилна инфраструктура. Покрај тоа, „коалицијата и ирачката влада“ веќе работат на постконфликтна стабилизација во Мосул, уверува дипломатот. Според него, „ништо слично од Асад или од Русите во однос на Алепо“ не се слуша.

Затоа „секаква претпоставка од страна на руската влада дека ситуациите (во Алепо и Мосул) се идентични е смешно“, убеден е Кирби.

„И можам да ви кажам дека државниот секретар на САД (Џон Кери) го смета истото.

Во понеделникот шефот на МНР Русија Сергеј Лавров изјави дека сите борци кои се наоѓаат во источниот дел на Алепо се соучесници на „Џебхат ан Нусра“. Покрај тоа, одговор на критиките на операцијата во Алепо даде и рускиот претседател Владимир Путин.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња