Русија гради огромен воен радар на Арктикот

Широкоопсежен радар, способен да идентификува воздушни и морски цели оддалечени стотици километри, ќе почне да работи на архипелагот Нова Земја на рускиот Арктик во 2017 година, пренесува нашето матично издание „Росијскаја азета“ повикувајќи се на прес-службата на Министерството за одбрана на Русија.

Руските средства за радиоелектронска борба го контролираат небото

Во таа област ќе работат вкупно шест такви радари, наведуваат официјалните лица. Заменик-министерот за одбрана на Русија Дмитриј Булгаков, кој го посети градилиштето, изјави истовремено во близина ќе биде изградена писта способна да ги прими сите видови борбени летала.

Таканаречениот радар „преку хоризонтот“ е вид радарски систем кој може да детектира цели на многу големи растојанија, оддалечени стотици и илјадници километри, надвор од видокругот на радарот, што е граница за обичните радари. Тој е имун на „невидливата“ (стелт) технологија и користи огромен антенски систем долг до пет километри и висок пет метри, за да  идентификува воздушни цели оддалечени 500 километри  морски цели оддалечени до 400 километри.

Во текот на воена вежба во 2014 година радарот „Подсолнух“ (Сончоглед) детектираше четири бомбардери Сухој Су-24 во низок лет и ги префрли нивните координати до ракетен крстосувач, кој ги „собори“ сите четири „натрапници“. Постариот брат на „Подсолнух“ – широкоопсежниот радар „Волна“ (Бран) има домет од три илјади километри и во моментов работи во близина на пристанишниот град Нахотка на рускиот Далечен Исток.

Сите права ги задржува „Росијскаја Газета“.