Медиум: Путиновото супертајно шпионско оружје забележано во Сирија

Британскиот таблоид „Дејли Стар“ (Daily Star) го опиша најновиот руски хеликоптер Ка-35 како „Путиновото застрашувачко шпионско оружје” кое може да го промени односот на силите во Сирија.

Западните медиуми реагираа на видеото кое се појави на интернет каде што може да се види најновиот руски хеликоптер за електронско и радарско извидување Ка-35, тврдејќи дека снимката е направена во Сирија.

Британскиот таблоид „Дејли Стар“ пишува дека тоа е „ултрамодерно супероружје“ кое е забележано на небото над Сирија, додавајќи дека рускиот претседател Владимир Путин планира да создаде флота од нови високопрецизни воени хеликоптери за да извојува победа во сириската војна.

Според таблоидот, хеликоптерот од оваа класа е опремен со радио-технички систем за земјата набљудување на копнени цели, кој на руските пилоти им дава предност со тоа што однапред ги предупредува за можните закани. Според неофицијалните информации, оваа „супертајна шпионска техника“ исто така е во можност да ги попречува каналите за комуникација и да блокира електронски системи, со што веројатно би можело да се објасни последното исклучување на интернетот во Сирија, пишува „Дејли Стар“.

Извор во руската воена индустрија изјави дека Ка-35, кој е развиен од моделот Ка-31, ги поминал сите неопходни проверки и минатата година е примен во состав на руската армија. Сепак, според британскиот весник, ова е првпат да ѝ се достапни на јавноста снимки за „ова ужасно тајно шпионско оружје на Путин“.

Појавата на снимката со хеликоптерот се совпадна со предупредувањата на некои експерти дека Русија има доволно моќ да го уништи НАТО. Во контекст на заострување на кризата во Сирија, Москва ги стави своите тактички бомбардери состојба на зголемена борбена готовност, тврди „Дејли Стар“.

Деновиве на интернет најпрвин беше објавена фотографија, а потоа и видео-снимка од „летечкиот радар“ КА-31СВ (Ка-35), придружуван од хеликоптери Ми-35М и Ми-28Н. Се тврди дека видео снимките се направени во близина на Латакија.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња