Захарова за наводниот хакерски напад: се работи за стар сајт на МНР РФ

Портпаролот на Министерството за надворешни работи на Русија Марија Захарова изјави дека информациите за хакерски напад врз сајтот на руското министерство се однесуваат на стара верзија која веќе не е во функција.

Според Захарова, специјалистите разјаснуваат што се случило.

„Доколку утврдат дека се случил упад, макар и во ресурс што не работи, од страна на Американците, не е многу пријатно, затоа што или почнала да дејствува кибермашината на уништување за која зборуваа Бајден и Мекфол, или таа пеколна провокативна изборна кампања во САД ги довела луѓето до таква состојба што тие почнуваат да рушат сѐ пред себе“, додаде таа.

Таа наведе дека пред објавување на информацијата за уривање на сајтот на МНР РФ од страна на американскиот хакер, телевизијата Си-Ен-Ен не се обратила за потврда до МНР РФ.

„Очигледно, тие имаат некакви несоборливи докази дека упадот го извршил американски хакер. Па не може Си-Ен-Ен да објавува непроверена информација“, напиша портпаролот на МНР РФ на „Фејсбук“, пренесува РИА „Новости“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња