Не пропуштајте!
Придружете се на Russia Beyond на Телеграм за повеќе есклузивни содржини
Командантот на американската војска во Европа генерал Бен Хоџис во интервју за „Сандеј Тајмс“ изјави дека воените и политичките лидери на САД систематски грешат кога ги проценуваат намерите на Русија на меѓународна сцена.
Според него, САД имале „премногу оптимистички“ однос спрема Русија.
„Мислам дека имавме премногу оптимистички став. Можно е погрешно да сме сфатиле некои работи, но работата е и во тоа што последниве 15 години бевме фокусирани на Ирак и Авганистан“, изјави тој. „Не го држевме чекорот“.
Од негова гледна точка, САД во свое време постапиле избрзано кога од Европа повлекоа десетици илјади војници и бројно вооружување.
Хоџис истакнува дека бил затечен од „секој воен потегшто го презеде Русија“. За такви воени потези тој ги смета „инвазијата во Грузија, Источна Украина и на Крим”, како и операцијата во Сирија.
Со „инвазијата во Грузија“ Хоџис мисли на конфликтот во Јужна Осетија 2008 година, кој се заостри откако главниот град на Јужна Осетија, градот Цхинвал, беше масовно гранатиран од грузиска страна. Загинаа голем број цивили. Потоа Русија почна операција за воведување мир и испрати во Јужна Осетија дополнителен воен контингент.
Хоџис исто така изјави дека не исклучува можност од руска инвазија врз една од балтичките земји.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче
