Виетнам нема да дозволи странски воени бази на своја територија

Виетнамските власти соопштија дека нема да дозволат странски воени бази на своја територија, соопштува агенцијата „Ројтерс“.

„Континуираната политика на Виетнам се состои во одржување на неутралниот статус на државата. Ние нема да стапуваме во воени сојузи или алијанси против трети земји“, изјави портпаролот на Министерството за надворешни работи на Виетнам Ле Хаи Бин.

„Исто така, нема да дозволиме на ниедна земја да подигне воена база во Виетнам“, додаде портпаролот, пренесува „Ројтерс“.

Претходно заменик-министерот за одбрана на Русија Николај Панков изјави дека рускиот одбранбен ресор се занимава со прашањето на можно враќање на воените бази на Куба и во Виетнам. Советски, а подоцна руски воени бази функционираа на Куба и во Виетнам до 2002 година. Во кубанскиот Лурдес беше сместен радарски центар, а во Кам Ран во Виетнам имаше база на Воено-поморската флота на Русија, пишува „Лента.ру“.

Како што истакнува „Ројтерс“, неутралниот статус на земјата сепак дозволува можност во нејзините пристаништа да влезат воени бродови на странски држави. Така, во пристаништето Кам Ран досега престојувале американски, француски и јапонски воени бродови.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња