Лавров не се согласува со мислењето за неизбежна војна меѓу Русија и САД

„Не мислам така. Тоа воопшто не беше нашата намера (влошувањето на односите меѓу двете земји)“, одговори Лавров на прашањето на Си-Ен-Ен каков е неговиот став спрема изјавите на некои воени претставници дека таквиот судир е „неизбежен“, пренесува „Взгљад“.

Противракетен систем во Европа: постои ли закана за Русија?

„Читавме изјави на американски воени претставници дека војната со Русите е неизбежна. Ќе го оставиме тоа на нивната совест“, додаде тој.

„Тоа не беше нашата намера – да излеземе од разните договори кои служеа како основа за стратешката стабилност. Но кога Америка излезе од договорот за ПРО, Џорџ Буш му рече на Владимир Путин: „Разбирам дека тоа не ви се допаѓа, но ние повеќе не сме непријатели, затоа ако сакате да преземете контрамерки и мерки на претпазливост, слободно можете да го направите тоа“. За жал, тој проект за противракетна одбрана се покажа мошне вознемирувачки за глобалната стабилност. И плановите за воведување на европски сегмент и азиски сегмент (на ПРО) нас многу нѐ вознемируваат. Затоа што тоа е непосреден обид да се добие еднострана предност“, изјави министерот Лавров.

Сите права ги задржува „Росијскаја Газета“.