Во Русија уапсен полковник на украинското разузнавање

03 октомври 2016

Руска реч на македонски

Припадниците на Федералната служба за безбедност на Русија го уапсија полковникот на Главната управа на разузнавачката служба на Министерството за одбрана на Украина Роман Сушченко, кој собирал строго доверливи податоци за активностите на Вооружените сили и Националната гарда на Русија.

Според информациите на ФСБ, уапсениот државјанин на Русија прибирал податоци кои претставуваат државна тајна. Поднесена е кривична пријава за шпионажа. Истрагата е во тек, пренесува агенцијата РИА „Новости“.

Диверзијата во Крим: Што ќе прави Москва понатаму

Претходно членот на Општествената набљудувачка комисија на Москва Зоја Светова соопшти за РИА „Новости“ за апсењето на Сушченко, кој според нејзините сознанија, се претставувал како новинар на агенцијата „Укринформ“.

Коментирајќи ја оваа ситуација, министерот за информации на Украина Јуриј Стец изјави дека неговиот ресор внимателно ја следи ситуацијата, а правното одделение на министерството прибира информации за околностите под кои е уапсен Сушченко.

Сите права ги задржува „Росијскаја Газета“.

русија и украина Накратко Русија и Украина