МНР РФ: Руските државјани во странство да бидат внимателни на 30 септември

29 септември 2016

Руска реч на македонски

Некои исламски организации претходно најавија дека на 30 септември ќе го одржат таканаречениот Ден на гнев и протест поради обновените борбени дејствија во Алепо. Министерството за надворешни работи на Русија предупредува дека екстремистите би можеле да го искористат овој повод за акции против Русија и нејзините граѓани.

Министерството за надворешни работи на Русија ги повика сите руски државјани кои живеат или се наоѓаат во странство на 30 септември да не посетуваат јавни места поради неодамна примените закани, се наведува во официјалното соопштение на рускиот дипломатски ресор.

Москва со оценка за изјавите на САД за закана од терористички напади во РФ

„Москва укажува на повиците на низа организации, меѓу кои се и исламските, на 30 септември, поврзано со петок како ден за молитва, да се одржи таканаречен „Светски ден на гнев и протест“ против новата фаза на борбените дејствија во Алепо. Не е исклучена можноста на ваков ден да се искористат екстремистичките елементи во некои земји за напади врз Русија и провоцирање на нејзините граѓани“, се наведува во соопштението на сајтот на МНР РФ, пренесува „Взгљад”.

„Затоа им советуваме на руските државјани кои се наоѓаат или живеат во странство утре да применат разумни мерки на претпазливост и да не посетуваат места на кои „гневот и протестот“ можат да бидат насочени против нивното достоинство и безбедност“, додава надворешнополитичкиот ресор на Русија.

Сите права ги задржува „Росијскаја Газета“.

конфликт во сирија Накратко