Иран и Русија не се натпреваруваат во борбата со тероризмот во Сирија

24 септември 2016

Руска реч на македонски

Министерот за надворешни работи на Иран Мохамад Џавад Зариф не смета дека неговата земја се натпреварува со Русија во борбата со тероризмот во Сирија и мисли дека и двете земји имаат слични цели.

„Ние не се натпреваруваме за да играме воена улога во Сирија. Очигледно, никој не го сака тоа“, изјави Зариф, говорејќи во Советот за меѓународни односи (Council on Foreign Relations) во Њујорк, пренесува РИА „Новости“.

Соработката меѓу Русија и САД во Сирија под знак прашање

Министeрот истакна дека дејствијата на групата „Исламска држава“ во Сирија претставуваат „сериозна и реална“ закана како за Русија, така и за Иран.

„Мислам, имаме исти цели. Очигледно е дека двете земји немаат потполно идентични идеи, но тие се слични. Тоа е борбата со тероризмот, ИД, „Ан-Нусра“. Сигурен сум, Русија е заинтересирана да донесе мир и прекин на борбените дејствија“, додаде шефот на МНР Иран.

Сите права ги задржува „Росијскаја Газета“.

конфликт во сирија Накратко