Објавено видео од испитувањата на топот за ПАК ФА

На видеото кое трае една минута, покажан е топот, муницијата од 30 мм и пробната стрелба, соопштува нашето матично издание „Росијскаја газета“.

Изворите велат дека топот е модернизирана верзија на орудието ГШ-30-1.

Топот е идеален за авионот – тежи само 50 килограми и со право се смета за најлесниот топ на светот. Уникатната автоматика му овозможува до 1800 истрели во минута. Карактеристика на топот е неговиот систем за ладење на цевката.

Најновиот руски истребувач Т-50 е подготвен за лет

Топот може да користи разновидна муниција и да неутрализира лесно оклопни копнени, надводни и воздушни цели.

Во однос на копнените цели, топот е ефикасен на далечина до 1, илјади метри, додека за воздушни – до 1200 метри. Орудието претходно беше тестирано на ловец Су-27СМ.

Според мислењето на воените експерти, присуството на најнови системи за нишанење кај Т-50 значително ќе ја зголеми ефикасноста на примената на авионскиот топ, кој во некои случаи е покорисен од скапите ракетни системи.

Видеото од испитувањата можете да го погледнете овде.

Сите права ги задржува „Росијскаја Газета“.