Русија и САД се договорија примирјето во Сирија да продолжи уште 48 часа

Државниот секретар на САД Џон Кери и министерот за надворешни работи на Русија Сергеј Лавров се договорија да го продолжат примирјето за уште 48 часа. Ова во средата го соопшти портпаролот на Стејт департментот на САД Марк Тонер, пренесува „Лента.ру“.

„Без оглед на индивидуалните случаи на нарушување на режимот на прекин на огнот, тие се согласија дека договорот се почитува, насилството се намалило во споредба со претходните денови и недели“, изјави тој.

Тонер додаде дека се регистрираат нарушувања на двете страни, притоа, дипломатот одби да даде оценка кој повеќе го прекршува договорот. „Ние сакаме статус-квото да остане“, резимираше портпаролот на Стејт департментот.

Ќе ја запре ли новиот договор на РФ и САД сириската војна?

Сите права ги задржува „Росијскаја Газета“.