Кремљ одговори на украинските закани по повод Крим

Русија ќе преземе законски мерки со цел заштита на своите интереси во случај на украинска тужба во врска со Крим, изјави портпаролот на рускиот претседател Дмитриј Песков.

Портпаролот на рускиот претседател Дмитриј Песков најави дека Русија во случај Украина да поднесе тужба по повод Крим ќе преземе законски мерки со цел заштита на своите интереси, пренесува РИА „Новости“. 

„На Кремљ му е познато врз основа на написите во медиумите и соодветните изјави на официјалните претставници на Киев дека Украина подготвува тужба против РФ во рамките на Конвенцијата на ОН за поморско право. Русија во тој случај, се разбира, ќе ги употреби сите инструменти на меѓународното право за да ги оспори таквите барања и да ги заштити своите интереси“, одговори Песков на прашањето дали на Кремљ му е познато дека Украина се подготвува да поднесе тужба, со оглед на фактот дека смета дека има право на Крим.

Одговарајќи на прашањето дали Русија ќе постапи по одлука на судот во поглед на Крим доколку таа биде во корист на Украина, Песков рече дека во тој случај „не може да одговори на тоа прашање, односно ако има тужба ќе има и соодветни правни контрамерки“.

 

 

 

 

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња