Медиум: Путин беше најдобриот сојузник на САД по 9/11

12 септември 2016

Руска реч на македонски

Чиновниците во администрацијата на поранешниот претседател на САД Џорџ Буш Помладиот високо го оценија ангажманот на рускиот лидер Владимир Путин во текот на терористичките напади на 11 септември 2001 година, нарекувајќи го најдобриот партнер на Америка во тој момент, пишува весникот „Политико“.

„Америка немаше подобар сојузник на 11 септември од Русија и Путин лично“, изјави портпаролот на американскиот претседател Ари Флејшер.

Зошто Русија и Западот сè помалку се разбираат?

Истовремено, заменик-портпаролот на американскиот претседател Гордон Џондро рече дека одлуките на Путин тој ден биле од суштинско значење за Вашингтон, бидејќи САД донесоа одлука да ги стават во борбена готовност сите системи за нуклеарен напад.

„Путин се однесуваше сјајно, веднаш рече дека Русија нема да одговори и дека нема да крева тревога“, се присетува Џондро.

Во неделата се навршија 15 години откако припадници на „Ал Каеда“ грабнаа четири патнички авиони полни со патници и ги нападнаа њујоршкиот Светски трговски центар, зградата на Пентагон во Вашингтон, додека еден авион се урна во близина на гратчето Шенксвил во Пенсилванија. Нападот однесе 2996 човечки животи и се смета за најсмртоносен напад досега изведен на американска почва, пишува „Политико“.

Сите права ги задржува „Росијскаја Газета“.

русија и сад Накратко