Не пропуштајте!
Придружете се на Russia Beyond на Телеграм за повеќе есклузивни содржини
Информациите во бугарските медиуми дека Русија наводно се согласила да поддржи друг кандидат од Бугарија на местото генерален секретар на ООН од сегашната кандидатка Ирина Бокова не одговараат на реалноста, изјави за ТАСС портпаролот на претседателот на РФ Дмитриј Песков.
„Не е така“, изјави тој, коментирајќи ги информациите дека таков договор наводно бил постигнат во текот на средбата на шефот на руската држава со канцеларката на Германија Ангела Меркел на маргините на неодамна одржаниот самит на Г-20. Функцијата генерален секретар на ООН, која од 2007 година ја врши Јужнокореецот Бан Ки Мун, ќе биде слободна на 1 јануари 2017 година. Според постојните правила, за назначување на таа должност, на кандидатот му се потребни 9 гласа „за“, вклучително на сите пет постојани членки на Советот за безбедност на ООН. Потоа името на кандидатот ќе биде дадено на гласање во Генералното собрание на ООН.
Претходно во саботата портпаролот на МНР РФ Марија Захарова потенцираше дека обидите на одделни држави да влијаат врз кандидатурата на предложените кандидати на некои земји за местото генерален секретар на ООН се неприфатливи, а соопштенијата дека Русија можела да поддржи такви активности се лага. Според неа, изборот на кандидат за генерален секретар на ООН е суверена одлука на самата земја која кандидира свој претставник.
Захарова исто така ги нарече таквите соопштенија како обид „да се вовлече Русија во заткулисни игри“.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче
