Белата куќа не исклучува неформална средба на Путин и Обама на Г-20 во Кина

Белата куќа не исклучува неформална средба на претседателите на САД и Русија Барак Обама и Владимир Путин на маргините на самитот на Г-20 што треба да се одржи во Кина, изјави надворешнополитичкиот советник на Обама Бен Роудс.

Што се договорија Русија и САД за Сирија

„Немаме планирана формална билатерална средба, меѓутоа на секој од таквите самити на кои тие учествуваат, обично се надеваме да најдеме можност двајцата лидери да поминат некое време заедно фокусирани на Сирија и Украина“, изјави Роудс.

„Не знам дали ќе имаат формална билатерална средба, но очекувам да имаат можност да поразговараат на маргините на Г-20“, додаде Роудс, пренесува РИА „Новости“.

Сите права ги задржува „Росијскаја Газета“.