Чуркин: Косово е „сива зона“ за обука на терористи во Европа

26 август 2016

Руска реч на македонски

Косово стана сивата зона на Европа во која се подготвуваат терористи, изјави постојаниот пратеник на Русија во ООН Виталиј Чуркин на седницата на Советот за безбедност.

Рускиот дипломат нагласи дека поради „слабоста на органите на редот и системот за безбедноста целиот крај претставува „сива зона“ токму во центарот на Европа која се користи и како засолниште и место за транзит на криминалците и радикалните исламисти“, пренесува РИА „Новости“.

ИДИЛ повторно ѝ се заканува на Русија

„Тоа им овозможува на екстремистичките групации да ја користат таа територија како место за врбување и обука на терористи. Косово е во тројката лидери во Европа според бројот на оние кои ги пополнуваат редовите на „Исламската држава“ по глава на жител“, изјави Чуркин.

Според последниот извештај на комитетот на Советот за безбедност на ООН за прашања поврзани со ИД и „Ал Каеда“, во Ирак и Сирија на страната на терористите војуваат околу 30 илјади странци.

Сите права ги задржува „Росијскаја Газета“.

тероризам русија и балканот Накратко