САД сакаат „да ја повикаат Сирија на одговорност“ со помош на Русија и Иран

Вашингтон смета дека Москва и Техеран ќе земат учество во обидите „да се повика Сирија на одговорност“ за наводната употреба од страна на Дамаск на хемиско оружје, како што се тврди во извештајот на ООН и Меѓународната организација за забрана на хемиското оружје (ОЗХО), изјави портпаролот на Советот за национална безбедност на САД Нед Прајс.

„САД ќе работат со нашите меѓународни партнери и ќе бараат контрола (врз ширењето и употребата на хемиското оружје) со помош на соодветни дипломатски механизми, вклучутелно и преку Советот за безбедност на ООН и Меѓународната организација за забрана на хемиското оружје (ОЗХО). Ги повикуваме сите членки на конвенцијата на ООН за забрана на хемиското оружје, вклучително и Русија и Иран, да земат учество во тој процес“, изјави Прајс.

Што се однесува до терористичката организација „Исламска држава“, Белата куќа изјави дека коалицијата предводена од САД „продолжува да ги ликвидира водачите“ од бојното поле, имајќи ја предвид информацијата за примена на хемиско оружје, пренесува „Взгљад“.

Мисијата на ООН и ОЗХО за истражување на случаи со примена на хемиски материи за воени цели во Сирија работеше на девет инциденти и утврди дека во три напади било употребено хемиско оружје. Тие тврдат дека два напади биле наводно извршени од владините сили, а еден од терористичката организација „Исламска држава“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња