САД ќе се придржуваат до „планот А“ за соработка со Русија во Алепо

22 август 2016

Руска реч на македонски

САД немаат намера да се откажуваат од „планот А“ за соработката со Русија во сириски Алепо и да преминуваат на резервната варијанта, изјави во понеделникот портпаролот на Пентагон Питер Кук.

„Имаме намера да се фокусираме на „планот А“, изјави тој на брифингот кога новинарите го прашаа за можноста за преминување на „планот Б“, пренесува РИА „Новости“.

Според Кук, наведениот план („А“) подразбира „соработка со Русија и апел за преземање чекори за подобрување на многу сложената ситуација во околината на Алепо“.

Притоа портпаролот на Пентагон потенцираше дека САД немаат некакви крајни рокови за прекин на дискусиите. „Нема да се ограничуваме на некаков календарски рок“, изјави тој.

Се ближи ли крајот на битката за Алепо?

Сите права ги задржува „Росијскаја Газета“.

конфликт во сирија русија и сад Накратко