Москва и Ријад дискутираа за сириското решение

Русија и Саудиска Арабија разговараа за ситуацијата на Блискиот Исток.

Специјалниот претставник на претседателот на Русија за Блискиот Исток и Африка, заменик-министер за надворешни работи на Русија Михаил Богданов на средбата во Џида во неделата со министерот за надворешни работи на Саудиска Арабија Адел Ал-Џубеир и министерот за одбрана на земјата Мухамед Бен Салман дискутираше за сириското решение, ситуацијата на Блискиот Исток, како и за можностите за развој на билатералната соработка.

„Во текот на одржаните содржајни разговори беше разгледан широк круг прашања за понатамошниот развој на руско-саудиските односи, вклучувајќи и активирање на политичките контакти и зголемување на заемната соработка во економската, енергетската, инвестициската, хуманитарната и други сфери“, се вели во изјавата на руското МНР што ја пренесува РИА „Новости“.

Претставниците на двете земји разменија мислење за актуелната блискоисточна агенда, беше потврдено заемното расположение на Москва и Ријад за продолжување на напорите за зближување и координација на дејствијата во билатерален формат и на мултилатерални полиња.

„Особено внимание беше посветено на отворената и детална размена на процените и причините за настанатата воено-политичка и хуманитарна ситуација во Сирија, Јемен и на палестинските територии“, се истакнува во соопштението на МНР РФ.

Во текот на средбата главниот акцент беше ставен на потребата од најскоро прекинување на насилствата и барање политичко решение за конфликтите во регионот, се потенцира во соопштението.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња