Путин со сочувство до Ердоган по повод терористичкиот напад

Претседателот на Русија Владимир Путин му изрази на својот турски колега Реџеп Таип Ердоган сочувство во врска со терористичкиот напад во Газиантепе.

„Злосторството во екот на свадбената прослава потресува со својата суровост и цинизам. Уште еднаш се уверивме дека тероризмот не ги признава не само законите на цивилизирано општество, туку и најосновните норми на човековиот морал“, се вели во соопштението објавено на сајтот на Кремљ.

Путин потенцира дека инцидентот уште еднаш потсетува на потребата за обединување на напорите на земјите во борбата против тероризмот. Тој изрази сочувство до ужалените семејства и им посака брзо закрепнување на повредените.

Според последните извештаи, 50 лица станаа жртви на терористичкиот напад извршен на 20 август, а десетици се повредени. Бомбаш-самоубиец активирал експлозивна направа на свадба. Ердоган изјави дека во нападот може да биде вмешана „Исламската држава“, пишува „Лента.ру“.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња