Јушченко: Киев требаше со сила да го одбрани Крим

Поранешниот украински претседател Виктор Јушченко во интервју за изданието „Апостроф“ изјави дека под негово раководство Крим никогаш немаше да влезе во состав на Русија.

„Никогаш не би го предал Крим, тоа е сигурно. Тоа не беше прашање на оружје и вооружен конфликт. Тоа беше прашање на политичка одлука“, изјави Јушченко.

Според него, Киев бил должен „со сила да ја одбрани власта“ над Крим. Токму затоа Украина имаше на полуостровот 190 илјади војници и оружје: оклопна техника, системи „Град“ и автомати „Калашников“.

„Политичкиот став што тогаш го зазеде украинското раководство зборува за тоа дека армијата не добила таква команда“, додаде поранешниот украински претседател.

Сите права ги задржува „Росијскаја Газета“.