Ракетниот полк на Крим доби С-400

Противавионскиот ракетен полк на 4 армија на руското Воено воздухопловство и противвоздушна одбрана на Крим го доби ракетниот систем С-400 „Триумф”, соопшти прес-службата на Јужниот воен округ.

„Со цел унапредување на професионалноста и практичната обученост на офицерскиот кадар во базата на Наставниот центар на противвоаздушните ракетни сили на руското воздухопловство во Ленинградската област е спроведена повторна обука на единиците за работа на новите модели на противвоздушното ракетно вооружување. На полигонот „Капустин Јар“ припадниците на полкот примија вооружување, воена и специјална техника С-400 во состав на командниот полк на системот и два противавионски ракетни дивизиони”, се наведува во соопштението на Јужниот воен округ, пренесува „Взгљад”.

С-400, чуварот на Москва

Како што се истакнува, на полигонот „Капустин Јар” успешно се одржани почетните боеви вежби.

Министерството за одбрана на Русија на 15 јули соопшти дека ќе префрли на Крим ракетни системи С-400.

Медиумите во јули објавија дека Русија, кога ќе ги распореди на Крим најновите ракетни системи С-400, ќе го затвори небото над полуостровот од било какви провокации од воздух и ќе се заштити од „воздушните хулигани“ на НАТО.

Сите права ги задржува „Росијскаја Газета“.