Јароваја со коментар на изјавите на поранешен заменик-директор на ЦИА

Шефицата на Комитетот на Државната дума за безбедност и борба против корупцијата Ирина Јароваја смета дека поранешниот заменик-директор на ЦИА Мајкл Морел фактички признал дека „тајните убиства“ се дел од арсеналот на операциите на САД.

„Морел не само што го потврди дуплото дно на политиката на САД во борбата против тероризмот, кога под матните изјави за борба против тероризмот се крие поддршка за терористите, но и даде чудовишно признание за можноста за прикриени убиства од страна на силите на САД, маскирани како терористи за реализација на сопствените деструктивни планови“, се вели во изјавата на Јароваја што ја пренесува „Интерфакс“.

u041fu043eu0441u0442u043eu0438 u043bu0438 u0440u0438u0437u0438u043a u0437u0430 u0441u0443u0434u0438u0440 u043fu043eu043cu0435u0453u0443 u0420u0424 u0438 u0421u0410u0414 u0432u043e u0421u0438u0440u0438u0458u0430?

На тој начин таа ги коментираше изјавите на поранешниот заменик-директор на ЦИА Морел за потребата од тајни операции за ликвидирање руски и ирански војници на територијата на Сирија.

Како што истакна пратеничката, парафразирајќи ја познатата поговорка, може да се каже дека „што на активните припадници на ЦИА им е на ум, тоа на поранешните им е на друм“.

„Стејт департментот треба да одговори недвосмислено по тој повод, инаку, постојат основи да сметаме дека поранешниот заменик-директор на ЦИА се искажа дека во активниот план на ЦИА постои ознака „врвна тајна“, потенцира Јароваја.

Сите права ги задржува „Росијскаја Газета“.